പ്രപഞ്ചത്തിലെ പരമോന്നതമായ സവിശേഷങ്ങൾക്കുടമയാണ് മുത്ത് റസൂൽ(സ). വർണ്ണനകൾക്കതീതമായ ജീവിതം. അഹദവൻ കനിഞ്ഞേകിയ അതിശയകരമായ പ്രഭാവം. പ്രപഞ്ചത്തിലെ നമ്മുടെ ദൃഷ്ടിയിൽ പതിയുന്ന വസ്തുക്കൾക്ക് നാം നിഴൽ കാണാറുണ്ട്. എന്നാൽ മുത്ത് നബി(സ)ക്ക് നിഴലില്ലായിരുന്നു.

സൂറതു അൽ മാഇദയിൽ സർവ്വശക്തനായ അല്ലാഹു പ്രസ്താവിക്കുന്നതു കാണാം:

﴿يَا أَهْلَ الْكِتَابِ قَدْ جَاءَكُمْ رَسُولُنَا يُبَيِّنُ لَكُمْ كَثِيرًا مِّمَّا كُنتُمْ تُخْفُونَ مِنَ الْكِتَابِ وَيَعْفُو عَن كَثِيرٍ ۚ قَدْ جَاءَكُم مِّنَ اللَّهِ نُورٌ وَكِتَابٌ مُّبِينٌ﴾

[ المائدة: 15]

‘തീർച്ചയായും, അല്ലാഹുവിൽ നിന്ന് ഒരു പ്രകാശവും (അതായത് മുഹമ്മദ് നബി (സ്വ), വ്യക്തമായ ഒരു ഗ്രന്ഥവും (അതായത് വിശുദ്ധ ഖുർആൻ) നിങ്ങളിലേക്ക് വന്നിരിക്കുന്നു."

ഇമാം അൽ-സുയൂതി(റ)ന്റെ വാക്കുകളിൽ, ‘വെളിച്ചം ശ്രേഷ്ഠനായ തിരുദൂതരെയാണ് സൂചിപ്പിക്കുന്നത്(തഫ്സീർ ജലാലൈൻ, വാല്യം 2, പേജ് 33).

സമാനതകളില്ലാത്ത മനുഷ്യരൂപം ഉള്ളതോടൊപ്പം, അല്ലാഹു തആല മുത്ത് നബിക്ക് വെളിച്ചത്തിൻ്റെ ഒരു രൂപം കൂടെ നൽകിയിരിക്കുന്നു. പ്രകാശത്തിന് നിഴലില്ലെന്ന് ഖുർആനും ഹദീസും വ്യക്തമാക്കുന്നുണ്ട്. പുറമെ നമ്മുടെ സാർവത്രിക അനുഭവവും, ഭൗതികശാസ്ത്ര നിയമങ്ങളും, വേദഗ്രന്ഥങ്ങളും പ്രകാശത്തിന് നിഴലില്ലെന്ന് സ്ഥിരീകരിക്കുന്നു. അഹ്‌ലുസ്സുന്നയുടെ ഇമാമീങ്ങൾ ഈ യാഥാർത്ഥ്യം അംഗീകരിക്കുകയും പിന്തുണയ്ക്കുകയും ചെയ്യുന്നു.

ഇമാം അഹമ്മദ് ബിൻ മുഹമ്മദ് അൽ-ഖഫാജി തന്റെ നസീം-ഉർ-റിയാദിൽ പറയുന്നു :

'اَلْاَنْوَارُ شَفَّافَةٌ لَطِیْفَةٌ لَاتَحْجِبُ غيرها فَلَاظِلَّ لَھَا'

വെളിച്ചങ്ങൾ അർദ്ധസുതാര്യവും സൂക്ഷ്മവുമാണ്, പ്രകാശം മറ്റുള്ളവയിലേക്ക് കടന്നുചെല്ലാൻ തടസ്സങ്ങളില്ല, അതിനാൽ അവയ്ക്ക് നിഴലില്ല,' ഇമാം അഹമ്മദ് റസാ ഖാൻ (റ) ഫതാവ റസാവിയ്യയിൽ പറഞ്ഞു: പ്രകാശത്തിന് നിഴൽ ഇല്ല. പിണ്ഡമുള്ള ശരീരങ്ങളാണ് നിഴൽ വീഴ്ത്തുന്നത്. വെളിച്ചം നിഴൽ വീഴ്ത്തുകയാണെങ്കിൽ, എന്താണ് പ്രകാശം നൽകുന്നത്? അതിനാൽ, സൂര്യന് നിഴൽ ഇല്ലെന്ന് നാം കാണുന്നു.

സൂര്യൻ്റെയും വിളക്കിൻ്റെയും പ്രകാശത്തെ മറികടക്കുന്ന മുഹമ്മദീയ പ്രകാശത്തിന് രണ്ട് അർത്ഥതലങ്ങളുണ്ട്: ഒന്നാമതായി മുത്ത് നബിയുടെ പ്രകാശത്തിനു മുമ്പിൽ സൂര്യൻ്റെയും വിളക്കിൻ്റെയും ശോഭ വളരെ മങ്ങിയതായി മാറും, സൂര്യപ്രകാശത്തിന് മുമ്പായി ഒരു ഗാർഹിക വെളിച്ചം മങ്ങിയതായി അനുഭവപ്പെടുന്നതുപോലെ.

രണ്ടാമതായി അവിടുത്തെ അനുഗ്രഹീതമായ പ്രകാശത്തിൻ്റെ സാന്നിധ്യത്തിൽ, സൂര്യൻ്റെ പ്രകാശത്തിന് മുമ്പുള്ള നക്ഷത്രങ്ങളുടെ പ്രകാശം പോലെ, രണ്ടിൻ്റെയും പ്രകാശം പൂർണ്ണമായും ഇല്ലാതാകും.

ഒരു നിഴലിൽ നിന്ന് മുക്തനാകുക എന്നത് സർവ്വശക്തനായ അല്ലാഹു മുത്ത് നബിക്ക് നൽകിയ സവിശേഷമായ യോഗ്യതയാണ്. മുകളിൽ ഉദ്ധരിച്ച തെളിവുകൾ അവയ്ക്ക് ശക്തമായ പിന്തുണയും അചഞ്ചലമായ വിശ്വാസവും സ്വീകാര്യതയും നൽകുന്നു. മാത്രമല്ല, സയ്യിദുനാ ഇമാം അബ്ദുൽ വഹ്ഹാബ് അൽ-ശഅറാനി (റ) പറയുന്നതായി കാണാം മുത്ത് നബിയുടെ മഹത്വവും ശ്രേഷ്ഠതയും വർദ്ധിപ്പിക്കുന്ന കാര്യത്തെ കുറിച്ച് തർക്കിക്കുന്നതോ പ്രത്യേക തെളിവ് ചോദിക്കുന്നതോ യോഗ്യമല്ല.

ഹസ്രത്ത് ഉസ്മാൻ ഗനി (റ) റസൂലുള്ളയോട് പറഞ്ഞതായി ഇമാം നസഫി തങ്ങൾ തഫ്സീർ മദാരികിൽ വിവരിക്കുന്നു, “സർവ്വശക്തനായ അല്ലാഹു നിങ്ങളുടെ നിഴൽ നിലത്ത് വീഴാൻ അനുവദിക്കില്ല, അങ്ങനെ മറ്റുള്ളവരുടെ പാദങ്ങൾ അങ്ങയുടെ പരിശുദ്ധമായ ദേഹത്തേക്ക് പതിക്കാനുള്ള അവസരവും നാഥൻ ഉണ്ടാക്കിയിട്ടില്ല. ഉസ്മാൻ ഗനിയുടെ (റ) വിശ്വാസവും ആദരവും നോക്കുക. ഒരു വ്യക്തിയുടെ കാൽ റസൂലുല്ലാഹി (സ) യുടെ നിഴലിൽ ചവിട്ടിപ്പോയാൽ അത് അനാദരവാകുമെന്ന് അവിടുന്ന് കണക്കാക്കുന്നു.

അതിനാൽ നറുനിലാ റസൂലിൻ്റെ നിഴൽ നിലത്ത് വീഴാൻ സർവ്വശക്തനായ അല്ലാഹു അനുവദിച്ചില്ല.

ഹസ്രത്ത് ഇമാം ജലാലുദ്ദീൻ സുയൂഥി (റ) ഇബ്നു സബയിൽ വിവരിക്കുന്നു, “നബി (സ) യുടെ ഖസ്വാഇസുകളിൽ പെട്ടതാണിത്, കാരണം അവിടുത്തെ നിഴൽ നിലത്തു തൊടില്ല. വെളിച്ചം (നൂർ), സൂര്യപ്രകാശത്തിൽ നടക്കുമ്പോൾ നിഴൽ കാണാൻ കഴിയില്ലല്ലോ. അവിടുത്തെ നൂർ എല്ലാറ്റിനെയും കീഴടക്കുമായിരുന്നു.

മുത്ത് നബി (സ)ക്ക് നിഴലില്ല എന്ന വിശ്വാസം കേവലം കേട്ടുകേൾവിയല്ല, പാരമ്പര്യങ്ങളിൽ നിന്ന് തെളിയിക്കപ്പെട്ട വസ്തുതയാണെന്ന് മേൽപ്പറഞ്ഞ ഉദ്ധരണികൾ തെളിയിക്കുന്നു. മുത്ത് നബി (സ) യോട് സ്നേഹവും ആദരവും ഇല്ലാത്ത ചില ആളുകൾ തീർച്ചയായും ഈ പാരമ്പര്യങ്ങളെ പൂർണ്ണമായും നിരാകരിക്കും, എന്നാൽ കഴിഞ്ഞുപോയ എല്ലാ ഇസ്‌ലാമിക പണ്ഡിതന്മാരും ഈ വിശ്വാസം അംഗീകരിച്ചവരാണ്.

ഇമാം ഖാളി ഇയാള് (റ) കിതാബു ശിഫയിൽ പറയുന്നു “സൂര്യൻ്റെ തെളിച്ചത്തിലും ചന്ദ്രപ്രകാശത്തിലും പോലും പ്രവാചകന് നിഴൽ ഉണ്ടായിരുന്നില്ല, കാരണം അവിടുന്ന് നൂറായിരുന്നു.”

അല്ലാമാ ശിഹാബുദീൻ ഖഫാജി (റ) നസീമുർ റിയാദിൽ പ്രസ്താവിക്കുന്നു: "നബി (സ)യുടെ നിഴൽ നിലത്ത് വീഴരുതെന്നത് അവിടുത്തോടുള്ള ബഹുമാനത്തിൻ്റെയും മഹത്വത്തിൻ്റെയും ഹേതുവായിട്ടാണ്. റസൂലുല്ലാഹി (സ) ഒരു പ്രകാശമാണെന്നും നിഴലില്ലാത്തത് കൊണ്ട് അവിടുന്ന് സാധാരണ മനുഷ്യരെല്ലെന്നും അർത്ഥമാക്കുന്ന ഖുർആനിൻ്റെ നിർദ്ദേശം ഇതിന് പര്യാപ്തമാണ്.

സൂചിത കാര്യങ്ങളുടെ വെളിച്ചത്തിൽ, മുത്ത് നബി തങ്ങൾ നൂരും നിഴലില്ലാത്തവരുമാണെന്ന് നമുക്ക് വ്യക്തമാണ്. മുത്ത് നബി (സ) നമ്മളെപ്പോലെ ഒരു സാധാരണ മനുഷ്യനാണെന്ന് പറഞ്ഞ് ന്യൂനപക്ഷം ചിലരും അടുത്തിടെ നവീന വിശ്വാസങ്ങളുമായി ഉയർന്നുവന്നവരുമാണ്. മുത്ത് നബി (സ)യുടെ നൂറിനെ നിഷേധിക്കുന്നവരാണവർ. റസൂലുല്ലാഹി (സ)ക്ക് നിഴൽ ഇല്ലായിരുന്നുവെന്ന് വിശ്വസിക്കാതിരിക്കുന്നതിൽ ബിദ്അത്തുകാർ ഊന്നിപ്പറയുന്ന കാര്യം അവിടുന്ന് സാധാരണ മനുഷ്യനാണെന്നതാണ്.

തിരുനബി(സ)ക്ക് മാനുഷിക ഗുണങ്ങളുണ്ടെന്നത് ശരിയാണ്, എന്നാലത് ഭക്ഷണം കഴിക്കുമ്പോഴും ഭാര്യമാരോടൊപ്പം വിശ്രമിക്കുമ്പോഴുമെന്നതുപോലെ ചില സന്ദർഭങ്ങളിൽ മാത്രമേ പ്രകടമായിട്ടുള്ളൂ. മിഅറാജിന് വേണ്ടിയുള്ള യാത്രയിൽ ആ രാത്രിയിൽ സർവ്വശക്തനായ അല്ലാഹുവിൻ്റെ മുമ്പിൽ പ്രത്യക്ഷപ്പെട്ട സമയങ്ങളിലെല്ലാം അവിടുന്ന് പൂർണ്ണമായും നൂറയിരുന്നു. ‘മാനുഷിക വശം’ മാത്രം അംഗീകരിക്കുകയും ‘പ്രകാശ വശം’ അവഗണിക്കുകയും ചെയ്യുന്ന അർദ്ധവിശ്വാസം അഭികാമ്യമല്ല. മുത്ത് നബിയെ അനാദരിക്കൽ ലക്ഷ്യമാക്കിയ വഴിപിഴച്ചവരെ തിരിച്ചറിയാനും അവരെ പിന്തുടരാതിരിക്കാനും സത്യത്തിന്റെ പാശം തിരിച്ചറിയാനും വിശ്വാസിക്ക് സാധിക്കണം.